Qərbi Kaspi Universiteti adətən seçim mərhələsində olan abituriyentlərin diqqətini çəkən özəl universitetlərdən biridir. Amma çox vaxt insanlar bu universiteti sadəcə “özəl” kimi qiymətləndirib keçir. Əslində isə bir az araşdıranda görürsən ki, buranın əsas fərqi yanaşmadadır.
Bu universitet daha çox Qərb təhsil modelinə yaxın sistem qurmağa çalışır. Yəni burada məqsəd təkcə dərs keçmək deyil, tələbəni müstəqil düşünən və praktik bacarıqlara sahib biri kimi formalaşdırmaqdır.
Qərbi Kaspi Universiteti 1991-ci ildə yaradılıb və Azərbaycanın ilk özəl ali təhsil müəssisələrindən biri hesab olunur. Qərbi Kaspi Universiteti yaranarkən əsas məqsəd klassik sovet təhsil modelindən fərqli olaraq daha çevik və müasir sistem qurmaq idi.
İllər keçdikcə universitet həm ixtisas sayını artırıb, həm də beynəlxalq əlaqələrini genişləndirib. Bu gün artıq təkcə yerli tələbələr yox, müxtəlif ölkələrdən gələn tələbələr də burada təhsil alır.
Bu isə universitetin daha çox beynəlxalq mühit formalaşdırmağa çalışdığını göstərir.
Qərbi Kaspi Universitetində təhsil daha çox praktiki və tələbəyönümlü qurulub. Yəni burada sadəcə mühazirə dinləməklə iş bitmir. Tələbələr:
təqdimatlar edir layihələr üzərində işləyir qrup işlərində iştirak edir
Bu yanaşma tələbəni passiv dinləyici yox, aktiv iştirakçıya çevirir. Xüsusilə biznes, İT və beynəlxalq münasibətlər kimi sahələrdə bu metod daha effektiv olur.
Universitetdə ixtisas seçimi kifayət qədər genişdir. Əsas istiqamətlər bunlardır:
Bakalavr səviyyəsi üzrə
Magistratura səviyyəsi üzrə
Filologiya (Azərbaycan dili və ədəbiyyatı) Filologiya (Ingilis dili və Ədəbiyyatı) Tərcümə (Ingilis) Magistratura səviyyəsi üzrə Dilşünaslıq (İngilis dili) Ədəbiyyatşünaslıq (Amerika və Böyük Britaniya)
Biznesin idarə edilməsi
Davamlı inkişafın idarə edilməsi
Dövlət və bələdiyyə idarəetməsi
Marketinq
Menecment
Turizm bələdçiliyi
Turizm işinin təşkili
Beynəlxalq turizm
Biznesin təşkili və idarə edilməsi
Turizm və otelçiliyin idarə edilməsi üzrə
Dizayn
Texniki dizayn
Biologiya
Cihaz mühəndisliyi
Ekologiya
Ekologiya Mühəndisliyi
İnformasiya texnologiyaları
İnformasiya təhlükəsizliyi
Komputer elmləri
Kompüter mühəndisliyi
Meşəçilik
Mexanika mühəndisliyi
Mexatronika və robototexnika mühəndisliyi
Qida Mühəndisliyi
Su bioehtiyatları və akvakultura
Bioekologiya
Genetika
İdarəetmədə informasiya sistemləri
Molekulyar biologiya
Tətbiqi proqram təminatı
Ətraf mühitin mühafizəsi və bərpası metodları
Maraqlı məqamlardan biri də bəzi ixtisasların xarici universitetlərlə birgə proqramlar şəklində tədris olunmasıdır. Bu, tələbələrə beynəlxalq diplom və ya təcrübə imkanı yaradır.
Qərbi Kaspi Universitetinin güclü tərəflərindən biri beynəlxalq əlaqələridir. Universitet Erasmus+ kimi proqramlarda iştirak edir və tələbələrə xaricdə təhsil imkanı yaradır.
Məsələn, bəzi proqramlar çərçivəsində tələbələr bir semestr xaricdə oxuya bilir və bunun üçün:
təqaüd verilir yol xərcləri qarşılanır minimum B2 səviyyədə ingilis dili tələb olunur
Bundan əlavə, Almaniya universitetləri ilə ikili diplom proqramları da mövcuddur. Bu proqramlarda tələbələr təhsilin bir hissəsini xaricdə davam etdirir.
Qərbi Kaspi Universiteti özəl ali təhsil müəssisəsi olduğu üçün burada təhsil əsasən ödənişlidir.
Rəsmi məlumatlara əsasən:
Standart ixtisaslar üzrə təhsil haqqı təxminən 2800 AZN / il təşkil edir Bəzi ixtisaslarda bu məbləğ 3000 AZN və ya daha yüksək ola bilər
Xarici proqramlar və ikili diplomlar üçün əlavə xərclər də yarana bilər (xüsusilə xaricdə təhsil hissəsi üçün).
Qərbi Kaspi Universiteti özəl universitet olduğu üçün keçid balları dövlət universitetlərinə nisbətən daha aşağı olur. Amma bu o demək deyil ki, tələb azdır.
Ümumi olaraq:
Əksər ixtisaslar üçün keçid balları 200–400 aralığında dəyişir Daha populyar sahələrdə bu göstərici bir qədər yüksək ola bilər
Bu universiteti daha çox orta bal toplayan, amma keyfiyyətli təhsil almaq istəyən tələbələr üçün əlçatan edir.
Əcnəbi vətəndaşlar da Qərbi Kaspi Universitetində təhsil ala bilərlər. Daha detallı məlumat üçün linkə keçid edin.
Qərbi Kaspi Universitetində tələbə həyatı daha aktiv və müasir xarakter daşıyır. Burada:
Layihələr Seminarlar beynəlxalq tədbirlər startup və biznes ideyaları
üzərində işləmək üçün imkanlar var.
Xüsusilə ingilis dilində təhsil alan tələbələr daha çox beynəlxalq mühitdə olur və bu da onların gələcək karyerasına ciddi təsir edir.
Hər universitet kimi Qərbi Kaspi Universitetinin də həm güclü, həm də zəif tərəfləri var.
Üstün tərəflər:
beynəlxalq proqramlar praktik yönümlü təhsil ingilis dilində imkanlar daha müasir yanaşma
Zəif tərəflər:
təhsil haqlarının yüksək olması dövlət universitetləri ilə müqayisədə akademik nüfuz fərqi bəzi ixtisaslarda resurs fərqləri
Bu universitet daha çox aşağıdakı tip tələbələr üçün uyğundur:
xaricə getmək istəyənlər ingilis dilində oxumaq istəyənlər biznes və İT sahəsinə marağı olanlar daha sərbəst və praktik mühit axtaranlar
Əgər sən klassik və daha ciddi akademik mühit axtarırsansa, dövlət universitetləri daha uyğun ola bilər.
Qərbi Kaspi Universitetinin əsas üstünlüklərindən biri də xaricə çıxış imkanlarıdır. Burada oxuyan tələbələr:
mübadilə proqramlarına qoşula bilir ikili diplom proqramlarında iştirak edir beynəlxalq təcrübə qazana bilir
Amma reallıq belədir ki, xaricdə birbaşa təhsil almaq bu prosesi daha da gücləndirir. Daha inkişaf etmiş laboratoriyalar, daha geniş şəbəkə və fərqli təhsil sistemi tələbəyə tam başqa səviyyə qazandırır.
Bir çox tələbə Qərbi Kaspi Universitetində baza qurub, sonra xaricdə davam etməyi seçir. Bu yanaşma həm praktik, həm də strateji baxımdan olduqca effektiv sayılır.
